O Barco das letras- poema e canción

Por segunda vez o programa de radio COPE Valdeorras O Barco das Letras lémbrase da miña poesía.

 Nesta ocasión a miña querida tía Elva Delgado recitará o meu poema "Toda Estirpe" e posteriormente soará a canción "Invierno"(con letra da miña autoría) do grupo valdeorrés Trasnochando, co meu curmán Jorge á cabeza.

Familia Delgado, familia de artistas!

Programa de radio O Barco das Letras

Hai pouco tiven a sorte de ter o protagonismo no programa literario da COPE Valdeorras O barco das Letras, presentado polo profesor de lingua galega Manuel Agra Villar.

Falouse da miña traxectoria poética e varios alumnos do IES Martaguisela recitaron varios dos poemas do meu libro VESTIDA DE DOMINGO.

COMO CALA A ANDORIÑA

Silencio.

Escoita o sol,

Escoita o vento.

Oénse os pasos

dun balbordo automático.

Silencio.

Naces.

Estudias.

Traballas.

Búscase vida adulta programada.

Silencio.

O sangue é máis espeso cá auga.

Se che empresto unha pinga,

ti devolverasme

unha fonte enteira.

Ssshhh. Silencio.

Quéixaste ao mundo

como unha muller nunha gaiola.

Dóeste, tes medo.

Enmaráñanseche as ás.

Sucumbes ao silencio.

Loitas.

Berras.

Voas

tan alto como podes e

derrotas ao silencio.

Agora escribes nas paredes,

dormes á intemperie,

mófaste da falsa tristura

dun camareiro.

Ríste,

presumes da túa brillante plumaxe de femia.

Nunca calas.

Xa non escoitas o silencio.

Chocan los barcos en la niebla, La equidistancia

Dos poemas en castellano del libro Vestida de Domingo, música Trasnochando

Hai flores rotas

Poema de Vestida de Domingo e música de Trasnochando

Alfa, Albiscan, XXVIII, XXIII

Catro poemas breves recitados coa música de Trasnochando

NENIA a un heroe caído

Poema do libro Vestida de Domingo, música do grupo valdeorrés Trasnochando.

Presentación VESTIDA DE DOMINGO

Presentación do acto a cargo da xornalista Raquel Fernández. Neste vídeo esta a presentación do acto e dous poemas lidos pola autora.